Appleberri

Larunbateko bideoa : iJam bat Apple Store batean

AitorZ — Sat, 21 Jun 2008 19:27:37 +0000

Orain dela hilabete batzuk iJam bideoari buruz hitzegin genizuen eta gaurkoan ere iJam-ari buruzko bideo bat aukeratu dugu. Zergaitik? Ba oso kuriosoa eta barregarria delako zelan eramanten duten Apple Store batetara aldatzeko ideiarekin.

Bideoa -> http://www.youtube.com/watch?v=m7RS3Yx4dRQ

iPod Touch bat orain erostea ez da aukera ona

Imamon — Wed, 11 Jun 2008 22:18:28 +0000

Astelehenean Applek iPhonea eskuragarriago egiteko salneurria jeitsiko zuela adierazi zuen. AEBtan 199 dolar 8GBtakoa eta 299 dolar 16 GBtakoa salneurria dauka. Momentu honetan iPod iPod Touch bat erostea ez da aukera ona.

iPod Touch-a telefono eta kamera gabeko iPhone bat da. Beraz, iPhonearen salneurria jaisten badute, iPod Touch-arena ere jeitsi beharko dute. Ez du zentzurik iPod Touch batek iPhone bat baino gehiago kostatzea.

Horregatik gure gomendioa da hilabete itxoitea eta orain iPod Touch bat ez erostea.

WWDC08, 60 segundutan

Imamon — Wed, 11 Jun 2008 19:47:29 +0000

Asteleheneko keynotearen bideoa ikusteko berandutu egin zitzaizuen? Zerbitzaria saturatuta zegoen eta ezin zenuten behar bezala ikusi? Hemen duzuen minutu bateko bideo laburpen bat.

Bideoa: WWDC08 Keynote in 60 seconds

iPhonearen publizitate-kanpaina e-postaz

Imamon — Tue, 10 Jun 2008 19:06:30 +0000

Hau da Applek 3G iPhone berria iragartzeko bere datu basean dituen bezeroei bidali dien e-posta.

iPhonea Movistarren webgunean

Imamon — Tue, 10 Jun 2008 12:52:56 +0000

Movistarren webgunean orri berezia prestatu dute iPhonearentzako. Momentuz informazio jasotzeko bete beharreko formulario bat da bakarrik. Bertan erregistratuta Telefonicak iPhonea non, noiz eta zenbatean salduko duten informazioa jasoko duzu.

Iturria: www.movistar.es/iphone
Informazio gehiagorako: Telefonicaren prentsa gunea

WWDC08 | Quicktime Stream eskuragarri

Imamon — Mon, 09 Jun 2008 23:53:04 +0000

Gero eta azkarragoak dira Cupertinokaoak bideoak eskegitzen. Atzoko keynote-aren Quicktime video-on-demand stream eskegi du Applek bere webgunean.

Bideoa: Apple | WWCD Keynote address

iPhone 3G iragarkiaren bideoa

Imamon — Mon, 09 Jun 2008 23:23:16 +0000

Keynotean zear jarri duten iPhone 3G iragarkiaren bideoa duzue hau. Zuen etxeetatik ezin izan duzuenez ikusi hona ekarri dugu zuek ere ikus dezazuen.

Aurreko iragarkiekiko oso ezberdina da. Azpimarratzekoa da sakelekoak duen balioa iragarkian: desio objektua da eta ongi babestuta dagoena azken momentura arte.

Bideoa: iPhone 3G bideoa.

iPhonearen bigarren bertsioak 3G eta GPSa izango du

Imamon — Mon, 09 Jun 2008 23:13:21 +0000

iPhoneak urtebete bete ondoren, Applek iPhonearen bigarren bertsioa aurkeztu du gaurko WWDC 08 keynotean. Modelo berriaren ezaugarri nagusienak 3G teknologia erabiltzen duela (EDGEren ordez) eta GPSa barneratuta duela dira.

Diseinua

Aurreko modeloarekiko ezberdintzen dituen ezaugarriak digu modelo berriak. Atzeko aldea bi zatitan banatuta zegoen eta zilar koloreak hartzen zuen azalera gehien eta geratzen zen zatia beltzak. Oraingoan atzeko aldea kolore bakarreko da eta bi kolore artean aukera daiteke, beltza eta zuria.

Aurreko modeloak baino bi gramo gutxiagoko pisua badu ere, ez da gauza bere gertatzen tamainarekin, zertxobait handiagoa bait da. 115,5 mm altueran (115 mm-en kontra), 62,1 mm zabaleran ( 61 mm-en kontra) eta 12.3 mm lodieran (11,6 mm en kontra).

Goazen berrikuntza nagusienak azaltzera.

3G

iPhonea azkarra zen EDGE konexioak zituen mugak zirela eta, baina orain 3G teknologiarekin hirukoiztu egin da azkartasuna. Baina haratago doa. 3G erabiltzen duten beste sakeleko batzuekin alderatuz gero ( Nokia N95 edo Treo 750 esaterako) %35 azkarrago da. Bost segundu behar ditu e-posta jaisteko. Wi-Fi-aren antzeko abiadurak lor ditzake.

GPSa

Oraingo bertsioak mapetan GPSa barneratuta du. 3G iPhoneak kokalekua aurkitzen du GPS edo kokalekua triangelatuz telefono dorreetatik edo Wi-Fi errepikatzaileetako datuen bidez. Inguruan dauden saltokiak aurkitzen ditu hitz bilateka eginez.

Argazki kamera

Argazki kameran hobekuntzak (oraindik 2 megapixel baina geottaging zerbitzuarekin) soinu kalitate hobeagoa.

Bateria

Baina guzti honek bateriaren iraupenean eragina izango du?
Baterian hobekuntzak egin eta 300 ordu (250 aurreko modeloak) standby, 3G hitzalita badago 10 ordu (aurreko modeloak 8 ordu) hitz egiten eta 3G erabiltzen 5 ordu. 5 eta 6 ordu bitartean 3G teknologia nabigatzeko erabiltzen bada, 7 ordu bideoak ikusteko eta 24 ordu musika entzuteko.

Kaleratzea eta salneurria

3G iPhonea uztailaren 11tik aurrera egongo da salgai Hego Euskal Herrian Movistarren eskutik, salneurria oraindik zehazteke dago. AEBtan 199 dolar 8GBtakoa eta 299 dolar 16 GBtakoa (zuri kolorean ere eskuragarri)

Ondorioak

Baina dena ez dira gauza onak. Applek dio argazki kamera hobetu dutela, baina oraindik 2 megapixel bakarrik ditu gainera ez ditu bideorik grabatzen eta aurreko aldean kamerarik ez duenez bideo-deiak egitea ahaztu beharko dugu. Oraindik Safarin Flash erabili gabe jarraitu beharko dugu. eta azkenengoz, 32GBtako modeloa egongo delakoan gaude, baina gaurkoan espero genuen.

3G iPhonea Hego Euskal Herrian uztailaren 11n

AitorZ — Mon, 09 Jun 2008 21:58:45 +0000

Gaurko keynotea gauza asko erakutsi digu, baina garrantzitsuena agian iPhonea Hego Euskal Herrian Uztailaren 11n saltzen hasiko dela izan daiteke.

3G iPhonea, hasierako iPhonearen teknologia pausu bat aurrerago eramango ditu. 3G sarea erabiliko du datuak era azkarragoan jasotzeko eta horrez gain GPSa izango du edozein momentutan non gauden jakiteko. 2.0 firmwarea ekarriko du, eta enpresentzako hain baliagarria izango den Microsoft Exchange ActiveSync-ekin ondo moldatuko da. Horrez gain SDK-ren bitartez edonork sortu ditzazke iPhone-arentzako aplikazioak erabat doan.

AEBtan 3G iPhone-aren prezioa 8GB-eko modeloarentzat 199$ izango da, eta 16GB-eko modeloarentzako 299$.

3G iPhonea Hego Euskal Herrian uztailaren 11n saltzen hasiko da Movistar-en bitartez (Honi buruz bihar Telefonicak prentsaurreko bat emango du).

Eta hori guztia gutxi balitz urte honetan zehar 3G iPhonea 70 herrialdetan baino gehiagotara zabalduko da. Uztailaren 11-an iPhone-a izango duten 22 herrialdeak hauexek izango dira:

Alemania
Australia
Austria
Belgika
Kanada
Dinamarka
AEB
Espainia
Finlandia
Frantzia
Holanda
Hong Kong
Irlanda
Italia
Japon,
Mexiko
Zelanda Berria
Norbegia
Portugal
Erresuma Batu
Suecia
Suitza

WWDC 2008 jarraitzen ari gara

Imamon — Mon, 09 Jun 2008 15:00:59 +0000

Gaur Applek San Frantziskoko Mascone zentroan urteroko Worldwide Developers Conference 2008 burutuko du.

Appleberrin jarraipen berezia egiten gaude zuzenean 19:00etatik horretarako propio sortutako gune berezi batean.

Zuk ere gurekin bat egin nahi baduzu eta WWDC jarraitu http://www.appleberri.com/keynotea gune berezian edo Twitter bitartez twitter.com/appleberri egin dezakezu.