Iritsi da egun berezi hau, eta zoro baten moduan Movistar-en lehen dendara joan aurretik 3G iPhone-ari buruzko datu batzuk emango dizkizuet, eta ondoren nire iritzia.

 

Jakingo duzuen bezela, iPhone-a Movistar telefono sarea erabiliko du Espainian, eta erosterakoan operadore honekin kontratu bat sinatu beharko duzue 2 urteko iraupenarekin.

 

Kontratu hau 3 zatitan banatuta dago eta hauen arabera merkeago edo garestiago aterako zaigu mugikorra.

 

Lehenengo zatia mugikorraren prezioa izango da. Zenbat eta ahots kontratu garestiagoa aukeratu, mugikorraren prezioa txikiagoa izango da.

Bigarren zatia ahots eta sms-en kontratua da. Hau 9 eurotik 90 euro/hilebetero arte iritzi daiteke. Kontsumoaren menpe egongo da noski, dei asko egiten baditugu edota gutxi.

Hirugarren eta azken zatia datuen kontratua izango da, eta bi aukera ditugu hemen: “Tarifa Plana iPhone” eta “Tarifa Plana iPhone Plus”.

Lehenengoak 15 euro/hilebetero kostatuko zaigu, eta internet-en nahi adina egon gaitezke, hori bai 200 Mega-ko kopurua iritsi ostean abiadura moteldu egingo da, baina internet erabiltzen jarraitu dezakegu ezer gehiago ordaindu gabe.

Bigarrengo aukerak (Tarifa Plana iPhone Plus) 25 euro/hilebetean kostatuko zaigu, eta aurrekoarekin ezberdintzen duen gauza bakarra, 200 Megako “limitea” 1 Gigara pasatzen dela.

 

Beraz guzti hori nahastuta honako aukera taula bat lortuko dugu:

 

Ahots eta sms kontratua | Datu kontratua | iPhone prezioa

9€ 15€ 299€ (8Giga)

9€ 15€ 359€ (16Giga)

20€ 15€ 149€ (8Giga)

20€ 15€ 209€ (16Giga)

40€ 15€ 49€ (8Giga)       

40€ 15€ 109€ (16Giga)

60€ 25€ Doan (8Giga)

60€ 25€ 59€ (16Giga)

90€ 25€ Doan (8Giga)

90€ 25€ Doan (16Giga)

 

Datu hoiek kontutan izanda zera esan dezaket. Datuen kontratua ez da oso garestia, egia esanda garestiagoa izango zela uste nuen, baina abiadura moteltzen badigute 200 Mega kontsumitu ondoren, zertarako nahi dugu 3G teknologia. Ez al zuten 3G teknologia jarri datuen abiadura azkarragoa izateko? 

Horrez gain, iPhone-aren prezioa oso garestia iruditu zait. 359€ 16 Gigako iPhone bategatik? Ez al zuen Steve Jobs-ek esan prezioa 199$ baino txikiagoa izan behar zela?

 

Nire iritzia eman aurretik iPhone baten jabe naizela komentatuko dut lehendabizi. Euskaltel-ekin erabiltzen dut, eta egia esanda oso oso ondo dabil. Telefono bikaina da eta dirua izan eskero benetan gomendatzen zaituzten 3G iPhone bat erostera. Hala ere interesgarria izango litzateke egun batzuk itxarotea, gehienbat gaur erosiko dutenen iritzia jakiteko gehienbat.

Eta ni bezela iPhone “zaharra” baduzue, zertarako erosi bertsio berria? 2.0 firmwarea iPhone “zaharretan” ere istalatzeko aukera dago, eta laister “hackeatuko” dutela uste dut beraz GPS eta 3G teknologiak oraingoz beharrezkoak ez badituzue nahikoa duzue iPhone “zaharrarekin”.

 

This entry was posted on Friday, July 11th, 2008 at 12:28 pm and is filed under iPhone, Apple. You can follow any responses to this entry through the RSS 2.0 feed. You can leave a response, or trackback from your own site.